कनोरचे गोळे

Directions

क्रमवार पाककृती :

१) डाळ व तांदूळ, एकत्र करुन पाण्यात भिजत ठेवा. ( अर्धा ते १ तास ).

२) तव्यावर जिरे व हिरव्या मिरच्या, थोड्या भाजून घ्या.

३) टोमॅटो थेट गॅसवर धरून जरा भाजून घ्या आणि सोलून त्याचे बारीक तूकडे करा.

४) जिरे, मिरच्या, कोथिंबीर व लसूण यांचा जाडसर ठेचा करा व त्यात मीठ घाला.

५) त्यापैकी  १ टिस्पून  ठेचा बाजूला ठेवा आणि उरलेल्या ठेच्यात बेसन मिसळून  त्याचे बोराएवढे गोळे करून  ठेवा.

६) डाळ व तांदूळ निथळून  रवाळ वाटून घ्या. त्यात कणीक, तिखट, मीठ, १/२ टिस्पून हळद व अर्धा टिस्पून हिंग मिसळून घ्या.

७) हाताला थोडे तेल लावून डाळिचे थोडे मिश्रण घ्या, त्यात ठेच्याचा गोळा ठेवून तो डाळीच्या मिश्रणाने लपेटून घ्या.

( ही कृती ऐच्छिक आहे. सर्व एकत्र करूनही गोळे करू शकता. )

८) १ मोठ्या  भांड्यात तेल गरम करून त्यात  मोहरी घाला, मग बाजूला ठेवलेला ठेचा  घाला आणि परता.

९) उरलेली हळद आणि हिंग घालून मग त्यात टोमॅटोचे तूकडे घाला व परता.

१०) तेल वेगळे  दिसू लागले कि त्यात ४ कप पाणी व मीठ घाला आणि उकळू द्या.

११) उकळी आल्यावर, त्यात एकेक गोळा सोडा. गॅस प्रखरच असू द्या. सर्व गोळे  शिजून तरंगू लागले कि  आणखी १ मिनिट उकळा

आणि गॅस बंद करा.

खाताना हे गोळे कुस्करुन घ्या. हा प्रकार चपाती किंवा भातासोबत खाऊ शकता.