लागणारा वेळ:
३० मिनिटे
लागणारे जिन्नस:
कोथु रोटी म्हणजे कापलेली रोटी. हा श्रीलंकेतील एक लोकप्रिय खाद्यप्रकार आहे. पण हा प्रकार जेवणावर खात नाहीत ( जेवण म्हणजे भात आणि करी ). साधारण आपल्या फोडणीच्या चपातीसारखा प्रकार पण जरा खमंग. मी शाकाहारी प्रकार देत असलो तरी यात अंडे आणि चिकनही घालतात. अंडे थेट वापरतात तर चिकन करी वेगळी करून मग मिसळतात..
यासाठी रोट्या करतात, त्यापण आपल्या चपातीपेक्षा वेगळ्या असतात. मैदा सैलसर भिजवून त्याचे गोळे करतात. मग ते गोळे हाताने आपटत आपटत विस्तारतात. या पोळ्या पूर्ण भाजलेल्या नसतात. भाजताना एकावर एक अश्या टाकत जातात, आणि अश्या अर्धवट भाजलेल्या रोट्यांचे चॉपरने बारीक तूकडे करतात.
अर्थात आपल्या चपात्या, फुलके किंवा अरबी खबूसही वापरता येतील. मला इथल्या तूर्की रेस्तराँ मधे अशी रोटी मिळाली, मी तिच वापरली.
तर लागणारे जिन्नस असे,
१) तयार रोट्या किंवा पर्याय.
२) ओबड धोबड कापलेल्या भाज्या ( यात कांदा, कोबी, गाजर, मिरच्या वगैरे घ्या )
३) आवडता मसाला ( तिथे त्यांची करी पावडर वापरतात. जरा तिखटच असते ती. ) मिरची पावडरही चालेल.
४) मीठ, तेल, कढीपत्ता
सर्व साहित्य आपल्या आवडीप्रमाणे
क्रमवार पाककृती:
१) तयार रोटीचे तूकडे करून घ्या.
२) भाज्याही कापून घ्या
( मूळ कृतीत आंबट पणासाठी काही घालत नाहीत. माझ्याकडे कैरी होती म्हणून मी तिचे तूकडेही घेतलेत )
३) कढईत तेल तापवून कढीपत्ता व नंतर त्यात सर्व भाज्या एकदमच टाका ( आधी कांदा परतून घ्यायचा नाही. सर्व भाज्या करकरीतच हव्यात )
४) त्या जरा शिजल्या कि मसाला टाका मीठ टाका आणि रोटीचे तूकडे टाका. ( अंडे वापरत असाल तर भाज्यांवर फोडून घाला. )
५) नीट परतून सर्व मिसळून घ्या.
आणि गरमागरम खायला घ्या. हा प्रकार रुचकर लागतोच शिवाय पोटभरही होतो. मी फार कमी तेल वापरलेय, तिथे जरा जास्त वापरतात.
वाढणी/प्रमाण:
ज्या प्रमाणात साहित्य घ्याल तसे.
अधिक टिपा:
फोडणीत राई, जिरे, हिंग पण वापरू शकता. पण भाज्यांचा नैसर्गिक स्वाद लपणार नाही, एवढेच मसाले वापरा.
माहितीचा स्रोत:
प्रत्यक्ष श्रीलंकेत बघून आणि चव घेऊन, केलेले प्रयोग.
Sri Lankan Kothu Roti
Kothu Roti is very popular street food of Sri Laanka. It is made with cut up roti and lot of vegetables, eggs, chicken curry etc are added. It is filling and tasty dish. I am presenting a vegetarian version.
You can use any roti ( flat bread ) pita bread etc. I have used Turkish bread here.
The Rotis used in Sri Lanka are slightly different. They are made of plain flour and are flattened by lifting and dropping them repeatedly on flat surface. Then they are roasted half way and then cut up into small pieces, with chopper.
They make it little hot by using their curry powder, still the quantities of vegetables is almost equal to that of roti.
What you need…Actually there is no fixed quantities here, what I am listing here is just suggestions.
1) 2 readymade Rotis
2) Roughly chopped vegetables ( Onion, cabbage, carrots, chilies etc )
3) 2 teaspoon curry powder or chili powder,
4) Salt to taste
5) few curry leaves
6) 2 tablespoon oil
To make kothu roti
1) Cut up the roti into small pieces.
2) Cut all vegetables roughly.
( I have used few pieces of raw mango, in original version it is not used. )
3) In a pan heat the oil and add the curry leaves.
4) Add all the vegetables at once, and add salt and curry powder and chili powder.
5) Mix and cook the vegetables just for 2 minutes, Do not overcook them, They should
remain crunchy.
6) Add the rotis, mix and cook for few minutes and serve hot.
You can add mustard seeds, cumin seeds etc with curry leaves, if desired. The more variety of vegetables you use, the better it is.
